На Воздухопловното шоу во Париз, компанијата Airbus претстави свој модел на хеликоптер кој се развива како дел од европската истражувачка програма наречена Clean Sky 2 ( Чисто небо 2).
Наречен „racer” (во превод “тркач“), што е акроним од “rapid and cost-effective rotorcraft“ (брзо и економично роторско летало), концептот вклучува мноштво иновативни карактеристики, а ќе биде оптимизиран да лета со брзина поголема од 400км/ч. Финалното склопување на демонстраторското летало се очекува да започне во 2019, а првиот негов лет да биде во 2020.
“Тркачот“ на Airbus ќе биде изграден со едноставна архитектура, овозможувајќи сигурност и економичност. Иновативниот дизајн на крилјата оптимизирани за аеродинаминчна ефикасност ќе овозможат искачување во т.н „мод за крстарење“, изолирајќи ги патниците за време на операциите додека леталото е на земјата, предизвикани со латералните ротори дизајнирани да генерираат потисок при праволиниското летање.
Леталото ќе биде оптимизирано за силни перформанси и низок акустичен потпис, а латералните и главниот ротор ќе бидат напојувани од два RTM322 мотори. Инаку, ќе биде тестиран и „еколошки мод“ за демонстрација на електрично напојуван „старт и стоп“ на еден од моторите во лет, што има за цел заштеда на гориво и зголемување на дометот. Материјалот од кое што ќе биде направено ќе биде хибриден метален композит специјално дизајниран за да овозможи мала тежина и ниска цена за репарирање.
Овој проект ќе го приближи концептот поблиску до оперативен дизајн и ќе ја демонстрира неговата соодветност за широк спектар на мисии каде големата брзина и ефикасност ќе бидат од исклучителна корист за разни итни медицински сервиси, операции за пребарување и спасување, како и сервиси во јавната, комерцијалната, приватната и бизнис авијација.