Научниците на IBM постигнале нов светски рекорд со тоа што успеале да снимат 330 терабајти некомпресирани податоци (или еквивалент на 330 милиони книги) во кертриџ кој собира во дланка.
Прототипот на магнетната трака собира 201 гигабит по квадратен инч, што е 20 пати поголема густина од онаа која сега се користи во комерцијалните драјвови со ленти.
Таквите ленти биле измислени пред повеќе од 60-тина години и во светот традиционално се користат за архивирање на даночни документи и евиденцијата поврзана со здравствената заштита. Првата лента на IBM била широка половина инч (1.30cm) и на неа можеле да се снимат максимум 2 мегабајти податоци.
Новата магнетна лента е развиена од Sony Storage Media Solutions и најверојатно ќе обезбеди употреба на складирање на податоци на ленти уште најмалку една декада.
За да ја постигнат оваа густина за снимање на податоци, истражувачите на IBM развиле неколку нови технологии, за што работеле во соработка со Sony неколку години наназад.