Carah на K-ICT Born2Global Centre е уникатен уред кој не само што го покажува времето, туку нуди и заштита на оној кој што го носи во форма на безбедносен часовник.
Моментално за него се води кампања на Kickstarter така да сè уште не е сигурно дали воопшто ќе се појави на пазарот, но како и да е се работи за концепт кој би бил исклучително корисен во денешно време.
Се работи за вистински аналоген часовник со карактеристики на паметен часовник, како и вграден безбедносен SOS аларм. Уредот чие име (без буквата „h”) значи „пријател“ на ирски или „сакан“ на латински e уникатен проект на Грејс Квон, професорка по компјутерски науки и на прв поглед изгледа како и секој друг елегантен аналоген часовник. Но, за разлика од обичните часовници, Carah има аларм кој се активира со притискање на часовникот во траење од 2 секунди, што резултира со емитирање на силен звук на сирена и испраќање на предупредување до некој близок до носителот, но и до обезбедувањето во студентскиот дом, кампус и сл.
Притоа се испраќа и GPS информација во врска со локацијата на испраќачот на сигналот Carah има и способност да ја пронајде локацијата на изгубениот телефон, да снима аудио, а има и тајмер кој се активира со еден допир.
Грејс изјавила дека целта и била да креира едноставен и ефективен начин нејзините ќерки да добијат помош бргу, доколку нешто им се случи.