Истражувачи од Швајцарскиот сојузен технолошки институт во Цирих развиле нова форма на ултра-тенок заоблен бетонски кров способен да генерира соларна енергија. Дизајнот ќе им овозможи на станбените структури кои се дел од училишната лабораторија да генерираат повеќе енергија отколку што трошат.
Кровот е направен од неколку слоеви – внатрешниот е од бетон, кој служи како основа за калемите за греење и ладење, како и изолацијата, а потоа на екстериерот на зградата се инсталира тенок филм од фотоволтаични ќелии кои користат за собирање на соларната енергија.
Прототипот на кровот е висок околу 7.5 метри и има тотална закривена површина од 160 квадратни метри, а истиот дизајн ќе биде имплементиран идната година на станбената зграда која е дел од NEST проектот.
Уникатната форма е постигната со користење на мрежа од челични кабли покриени со полимер текстил, на која бетонот може да се задржи, а тој врз неа бил прскан со техника развиена специјално за оваа апликација.
Соларната енергија е сè повеќе одржлив начин за создавање енергија и сè повеќе и повеќе земји инвестираат во соларна инфраструктура. Благодарејќи на проектите како овој кров, и индивидуите ќе имаат сè повеќе начини да ја имплементираат соларната технологија во своите домови.