Компанијата Cloudflare обезбедува безбедносни и домејн сервиси за милиони веб-сајтови и има солидна репутација за нивната безбедна енкрипција.
Еден од клучните фактори за оваа енкрипција е ѕидот со 100 лава лампи во лобито на нивното седиште во Сан Франциско, кој игра интегрална улога за компанијата која заштитува околу 10% од сите HTTP и HTTPS барања.
Наједноставното објаснување е дека лава лампите се одличен начин за генерирање на случајни бројки. Кодирањето не е претерано добро за нивното генерирање бидејќи во суштина кодот бара одреден систем за да имитира хаос. Најдобрата енкрипција има навистина случаен број за да е исклучително тешко за потенцијалните хакери да го пронајдат кодот, а за да тоа се постигне Cloudfare постојано го снимаат нивниот ѕид од разнобојните лава лампи чии форми во нив постојано се менуваат.
Таа видео информација, која е исклучително случајна и никој не би може идентично да ја репродуцира, потоа се преведува во уникатни криптографски клучеви кои се користат за заштита на протоколите.