Panasonic го претставија нивниот уред кој функционира како „дезодоранс“ за чевли и е наречен MS-DS100.
Уредот користи посебна технологија која ја отстранува непријатната миризба од обувките.
За да се користи, доволно е само да се вклучи во струја (или во преносна батерија) и долните елементи да се стават во обувките, по што MS-DS100 испушта наелектризирани јони кои пенетрираат низ материјалот и ги разбиваат честичките, елиминирајќи било какви мириси. Постојат два различни мода на функционирање: нормален (кој трае 5 часа) и долг (7 часа). Долгиот Panasonic го препорачуваат во случај непријатната миризба да е навистина јака или пак обувките се полни и со полен.
Ова не е прв уред од овој вид за Panasonic - минатата година тие претставија сличен, во вид на закачалка за облека.
Цената на MS-DS100 сè уште не е објавена, но се очекува да е слична со онаа на закачалките, кои чинат околу $180. Компанијата ќе произведува само 1000 вакви уреди месечно.