Министерството за одбрана на САД се согласило да инвестира околу 10 милиони долари да започне тестирање „на терен“ на уредот „Molar Mic”, во превод „микрофон на катник“ – уред сличен на Bluetooth уредите но кој е скриен внатре во устата.
Molar Mic е дело на Sonitus Technologies, компанија која развива безжична комуникациска технологија и се состои од водоотпорен микрофон кој се прави специјално за корисникот за да му „пасува„ правилно на забот. Откога ќе се постави, корисникот може нормално да зборува, а уредот ги испраќа аудио сигналите до радио предавател кој се наоѓа на вратот кој потоа ги препраќа до втор радио уред на друг дел на телото, кој ги испраќа до наменетиот примател.
Примањето на аудио сигналите е малку покомплицирано. Уредот во устата го „преведува“ звукот во вибрации на забите, кои патуваат низ коските во вилицата и черепот до внатрешното уво, кое автоматски ги „преведува“ во звуци. Резултатот е аудио сигнал кој звучи како да доаѓа од главата на носителот на уредот и поради тоа побарува околу 3-неделен период за привикнување на него.
Прототип на Molar Mic бил тестиран од неколку пилоти во Авганистан во период од 14 месеци, а со новото финансирање министерството сака да го спреми за поширока употреба.