Честите посети на доктор се дел од патот кон родителството, па така компанијата Owlet Baby Care решила да ја искористи сегашната технологија со цел идните родители да се осигураат дека сè е во ред со бебето додека е сè уште во мајката.
Owlet Band е парче технологија кое испраќа нотификации доколку движењата на бебето или неговите срцеви отчукувања се необични.
Овој појас нуди следење на срцевите отчукувања на фетусот, снимање на истите, автоматски бројач на колку пати бебето ќе клоцне, следење на контракциите, како и индикатори за позата на спиење на мајката.
Направен од DuPont Intexar ултра-тенки сензори вградени во материјалот, Owlet Band е екстремно комфорен и на телото се чувствува како да е парче облека.
Со помош на нивни сопствени врвно изработени алгоритми, Owlet Band со помош на биоелектрични сигнали ги следи отчукувањата на срцето и движењето на бебето, а користејќи ги добиените податоци мајката постојано ќе има увид во неговото здравје и развој. Сето ова ќе биде возможно само во второто и третото тромесечие од бременоста.