Денес постојат многу начини да се верификува трансакцијата при купување со кредитни картички – може да се внесе PIN, да се стави потпис, истите да се внесат во мобилна апликација, па да се користи смартфонот и др.
Наскоро ќе постои уште еден начин за тоа. Холандската компанија за дигитална сигурност Gemalto работи на дебитна картичка со која трансакцијата ќе се верификува преку вградениот биометриски скенер, така што ќе биде потребно палецот да се држи на него и картичката да се допре до било кој терминал способен за безконтактно плаќање.
Овој футуристички систем ќе започне да се тестира од страна на англиската банка Natwest, која следниот месец вакви картички ќе понуди на 200 нивни клиенти.
Од Gemalto велат дека податоците за отпечатокот на прст се складираат на самата картичка и никогаш не ја напуштаат, правејќи ја потешка за потенцијално хакирање.
Во споредба со PIN и чиповите кои се вградуваат во сегашните картички, комплексноста на уникатниот отпечаток од прст е многу побезбедна.