Канадската стартап компанија Carbon Engineering обезбедила финансии за градба на нивниот футуристички објект кој за една година ќе “цица“ јаглероден диоксид од атмосферата во количина колку што тоа би го направиле 40 милиони дрвја, а дел од финансиерите се Бил Гејтс и неколку големи енергетски компании.
Од Carbon Engineering не ја објаснуваат детално технологијата која овој објект кој ќе се протега на површина од 30 акри ќе ја користи, но на нивниот сајт тие ветуваат дека ќе бидат во можност собраниот јаглерод да го складираат под земја или да го искористат за синтетизирање на гориво со кое би се напојувале регуларните возила.
Дел од инвеститорите кои ги вклучуваат и нафтените компании Chevron и Occidetntal Petroleum Corp се заинтересирани да ја користат оваа технологија за да ги намалат сопствените емисии на јаглерод во нивните погони.