Adobe, компанијата која стои зад програмата за уредување на слики Photoshop, претстави алатка со AI) способна да забележува дали некоја фотографија е манипулирана.
Истражувањето резултирало од партнерството на Adobe со научници од универзитетот Беркли и финансирање од DARPA, а се фокусирало на манипулации направени со алатката „liquify” со која може суптилно да се промени формата на објектот на сликата. Иако од Adobe не планираат оваа алатка да ја стават на располагање на јавноста, тоа сепак е знак дека компанијата сериозно го сфаќа пропагирањето на дигитално изменети слики кои често се употребуваат во т.н „лажни вести“.
За да го тренираат овој систем со вештачка интелигенција, научниците од Adobe користеле парови од фотографии од нечие лице, од кои едната верзија била модифицирана со “liquify” алатката во Photoshop.
По доволно тренинг, AI-то можело да ги забележи модифицираните лица со 99% точност, што е импресивен процент бидејќи кога луѓе се обиделе тоа да го направат, биле успешни само во 53% од случаите.