За прв пат, еден „роботски“ судија носел заклучоци на професионален бејзбол натпревар во независната Атлантска лига.
За обичните набљудувачи, натпреварот изгледал како и секој друг, на кој што бил присутен човек судија Брајан Дебраувер. Меѓутоа, тој во едното уво имал Apple AirPod безжична слушалка и iPhone во неговиот заден џеб.
Овие уреди комуницирале со стадионската технологија Trackman, која користи радар за да ја следи топката од моментот кога таа ќе ја напушти дланката на оној кој што ја фрла. Заедно, тие на Брајан му овозможиле да знае дали ударот бил во зоната или не, по што можел да донесе правилна одлука.
Дебито на „роботскиот„ судија не поминало безгрешно – слушалката и iPhone-от ја изгубиле конекцијата неколку пати за време на натпреварот, за кое време Брајан носел одлуки како и вообичаено дотогаш.
По успехот на ова тестирање, Атлантската лига планира ваквите „роботски“ помошници на судиите да ги воспостави на сите 8 стадиони во следните недели.