Во иднината, доколку ви се здодее, црвената боја на вашиот автомобил, истата би можеле да ја промените само со притискање на едно копче.
Тим истражувачи од MIT измислиле „мастило“ кое овозможува „боење“ на скоро било каква шара на одредена површина со помош на проектор и UV светлина.
Со комбинирање на цијан, магента и жолта боја, кои сите реагираат на светлина, тимот креирал специјален спреј наречен PhotoChromeleon кој може да се аплицира на скоро секоја површина, вклучувајќи и чевли, играчки и футроли за телефони.
Потоа, со помош на UV проектор може да се програмираат разни комбинации на бои врз површината на објектите со процес кој трае помеѓу 15 и 40 минути. UV светлината исто така може да се користи и за да се избрише некој постоечки дизајн и да се замени со друг и тоа неброено пати.
Ова има огромен потенцијал да ги редуцира отпадните материјали бидејќи со ваквата технологија нема да има потреба да се купуваат нови предмети (или да се префарбува цел автомобил) секогаш кога ќе ги посакаме во друга боја.