Бел бастун кој користи паметна технологија има за цел да им помогне на луѓето со оштетен вид побезбедно да се движат во нивните опкружувања.
Наречен weWALK („ние чекориме), уредот е опремен со звучници, интеграција со смартфон и сензори кои испраќаат вибрации со кои корисникот се предупредува дека пред него има некоја препрека.
weWALK бастунот се состои од електронска дршка и регуларен бел бастун под неа, кој користи ултрасонични сензори за детектирање на било каква препрека над нивото на градите, вибрирајќи ја дршката доколку тоа се случи.
Корисникот исто така може да го поврзе бастунот со смартфонот за да се интегрира со гласовен асистент и Google Maps, за потоа преку вградените звучници да добива информации за блиски продавници и разни инфраструктури кои инаку не би можел да ги види.
Овој бастун бил измислен од турскиот дизајнер Курсат Сејлан, кој исто така е слеп. Тој е претседател и ко-основач на YGA (Young Guru Academy), турска непрофитна организација која стои зад оваа инвенција.
Технологијата искористена за креирање на weWALK е базирана на отворена платформа, што значи дека секој би можел на овој бастун да му додаде сопствена функција базирана на смартфон.
weWALK може преку USB да ја полни батеријата која трае и до 5 часа кога е со полн капацитет, а чини $500.