Руската стартап компанија Promobot сега продава автономни андроиди, а купувачите можат да одберат роботите да личат на било која личност на земјата – на пример, реплика на Мајкл Џордан би можела да продава кошаркарски униформи, а реплика на Вилијам Шекспир би можела да ги чита неговите текстови во музеите.
Robo-C роботот на Promorobot не може да се движи, но неговиот врат и торзо можат да ротираат за три степени. Неговото лице има 18 подвижни делови кои му овозможуваат да продуцира 600 микро-експресии, а неговиот систем за вештачка интелигенција има 100 000 гласовни модули.
Според Promobot, клучниот момент во развивањето на Robo-C е дигитализацијата на личноста и креацијата на индивидуален изглед, што резултира со еден вид на дигитална бесмртност која тие може да им ја понудат на купувачите.
Компанијата веќе има неколку нарачки - еден од ваквите роботи ќе биде стациониран во владин сервисен центар каде ќе извршува неколку функции, вклучувајќи и скенирање на пасоши, а друг ќе биде клон на Алберт Ајнштајн и ќе биде поставен на изложба на роботи.
Последните два ќе бидат роботски клонови на мајка и татко на една фамилија од Блискиот Исток, која ги нарачала овие роботи за бизарна намена на пречекување и поздравување на гости.