Гугл од денеска овозможува користење бесплатен Internet-browser.
Новата програма е замислена како конкурент на Internet-explorer на Мајкрософт.
Новата програма наречена Chrome може од денеска да се инсталира во над 100 држави од светот. Програмата е прилагодена да работи со Microsoft windows.
Гугл соопшти дека ги довршува верзиите на Chrome за Apple и за оперативниот систем Linux.
Chrome се обелоденува една недела откако Мајкрософт пушти на пазарот осма верзија на Internet-explorer. Во моментот Internet-explorer го користат околу 75 отсто од корисниците на интернет.