По до сега невидена количина на шпекулации, засилени со неодамнешното заминување на Стив Џобс од директорското место од компанијата и каснењето на новиот iPhone кој обично се претставува во јуни, Apple конечно ја претстави новата генерација на тој уред.
Apple iPhone 4S. Така се вика новиот iPhone, и името веднаш открива за што се работа: еволуциска надградба на постоечкиот iPhone 4.
iPhone 4S доаѓа со двојадрен процесор, до седум пати побрза графика и 8MP камера со која ќе може да се снимаат 1080p видео записи.
Она што можеби најмногу не воодушеви е апликацијата Siri. Првиот чекор кон вештачката интелегенеција е направен. Имено, на Siri можете да и поставите прашања, а таа ви ги одговара. На пр. можете да ја прашате „какво ќе биде времето денеска“ и „дали ќе ми биде потребен чадор“, на што Siri ќе одговори со точните временски податоци, но и со информацијата дали ви е потребен чадор или не. Исто така со помош на оваа апликација веќе нема да биде потребно вие да пишувате СМС порака, туку ќе биде треба само да ги изговорите зборовите, а Siri ќе ги напише.
iPhone 4S во САД ќе започне да се продава од 14-ти октомври по цена од 199 долари за 16GB, 299 за 32GB и 399 за iPhone 4S 64GB, додека обичниот iPhone 4 од 8GB во САД ќе се продава по цена од 99 долари доколку корисниците потпишат двегодишен договор со операторите со кои Apple има потпишано соработка.