Microsoft ја претстави најновата верзија на Office, прва која е дизајнирана специјално за таблет компјутерите. Новиот Office реагира на допир, но и на командите внесени преку тастатура (стариот и добро познат начин). Стив Балмер, извршниот директор на Microsoft, оваа верзија ја опиша како најамбициозна до сега.
Microsoft се надева дека со ова тие на голема врата ќе влезат на пазарот за таблет компјутери каде што главниот збор го има Apple со својот iPad. Од компанијата исто така најавија дека ќе се вклучат во трката со Apple откако ќе го промовираат својот таблет наречен Surface.
Од Microsoft изјави дека новиот Office е дизајниран пред се како сервис, со цел програмите да бидат користени на повеќе уреди конектирани на интернет.
Програмите како Word и Excel документите ќе ги чуваат онлајн преку сервисот SkyDrive. Програмите ќе ги помнат поставувањата, вклучувајќи ги и информации за она што последно било направено на документот.
Од Microsoft не прецизираа кога новиот Office ќе излезе во продажба или пак колкава ќе биде неговата цена.