Доколку “Apple“ ја примени техниката за која и’ е одобрен патент, наскоро би можела да има “Apple TV“ со вградена поддршка за “жива“ телевизија и можност да се снимаат содржините.
Американската агенција за патенти и’ го одобри патентот на “Apple“ за уред наменет за приказ на видео содржини на кои има мени кое се појавува на екранот кога се репродуцира видео содржина овозможувајќи им на корисниците да го променат каналот.
Патентната пријава е поднесена уште во 2006 година, а содржи скица од екранот на различни популарни емисии и програми.
Засега нема никакви конкретни информации за можната примена на оваа технологија, но доколку се искористи во тој случај значајно ќе се прошират можностите на “Apple TV“.