Пред точно една година, на овој ден, почина поранешниот извршен директор на Apple, Стив Џобс, еден од највлијателните луѓе во светот на компјутерската индустрија.
Стив Џобс почина во 56-та година од животот во својот дом во Пало Алто, по долга битка со ракот на панкреасот, која заопчна уште од 2004-та година. Смртта на Стив Џобс со еднаква тага ја дочекаа милиони корисници на неговите иновации, директори на технолошки компании и политичката елита.
Американскиот претседател Барак Обама тогаш наведе: „Мишел и мене силно нè растажи веста за неговата смрт. Стив беше еден од најголемите американски иноватори, доволно храбар да мисли поинаку и доволно самоуверен да мисли дека може да го менува светот, но и доволно талентиран тоа и да го направи.“
Прашањето дали некој ќе успее да го наследи Стив Џобс сè уште лебди во воздух, бидејќи тешко е да се очекува дека за толку краток период ќе се појави некој нов гениј, кој подоцна би станал технолошка икона во светот. Некои светски портали наведуваат дека Марк Зукенберг од Facebook и Мариса Мајер од Yahoo можат да бидат на приближно рамниште како Стив, но тоа е само сон, бидејќи и двајцата се шефови на интернет гиганти, а не на технолошка компанија.
Џобс беше главен лик и претседател на Apple, а од 1986-та тој беше и коосновач на анимациското студио Pixar, познато по анимираните филмови Toy Story, A Bug’s Life и Finding Nemo.