Во низата од рекорди Феликс Баумгартнер со скокот од работ на Вселената може да се додаде уште еден, пренос во живо со најмногу гледачи на YouTube.
На врвот на интересот, настанот го следеле повеќе од осум милиони гледачи, објави YouTube на својот официјален блог. Преносот од скокот беше поставен на каналот на Red Bull на YouTube.
Австрискиот скокач онлајн рекордот го сруши пред самиот скок, кога на YouTube каналот имаше повеќе од 7,1 милион посетители, а тој број на крај достигна и повеќе од осум милиони гледачи.
Инаку бестрашниот Феликс по само 32 секунди го проби звучниот ѕид, а најголемата брзина што ја достигна при слободниот пад беше 1,173 километри на час. По точно четири минути и 19 секунди го отвори првиот падобран, а откако успешно ги отвори сите четири, слета во Њу Мексико во 20:16 часот.
