Компанијата Microsoft повеќе од година дена им нуди на своите корисници бесплатна online верзија на популарниот софтверски пакет Office, но проблемот е во тоа што овој пакет тешко се наоѓаше.
Сега работите се сменија, бидејќи компанијата објави бесплатна верзија на својот сајт Office Online.
Софтверот опфаќа online верзии на Word, Outlook, OneNote, PowerPoint и Excel.
Microsoft порано ги нарекуваше своите бесплатни верзии Office- Office Web Apps, а беа достапни на cloud сервисот како OneDrive, на пример.
Една од причините што Microsoft го премести пакетот е тоа што корисниците се жалеа дека не постои бесплатна верзија на Office која би можела да му биде ривал на Google Docs.
Исто така, Microsoft им дозволува на корисниците седум GB простор за складирање на OneDrive, а дополнителен простор можно е да се добие со доплата.
Компанијата воведе уште некои промени во Office. Направи евтина верзија на софтверот Office 365 која сега се продава по цена од 70 долари (порано најевтината чинеше 100 долари).
Исто така лансираа и верзија на софтверот за Apple iPad.