Обидот на Google да го регистрира зборот Glass како заштитен знак на неговите електронски очила е блокиран од страна на Агенцијата за патенти и жигови.
Компанијата е само една во долгиот ред на оние кои би сакале да регистрираат таков збор, а експертите велат дека Glass е премногу генерички збор за да може да биде патентиран.
Google, пак од друга страна тврди дека станува збор за целиот уред, што вклучува и рамка, а не само компоненти од стакло.
Иако Google веќе го регистрираше терминот Google Glass како заштитен знак, извештајот објавен во Wall Street Journal оваа недела открива дека Агенцијата за патенти и жигови го блокирала обидот да се регистрира зборот Glass.
Според извештајот, главниот истражувач имал две забелешки, првата се однесувала на тоа дека многу компании регистрирале називи на производите кои во себе го содржат тој збор, па тоа би можело да ги збуни корисниците.
Другата забелешка е дека зборот glass (стакло) е само дескриптивен, генерички термин кој не може да биде заштитен според американскиот федерален закон.
Адвокатите на Google напишале писмо од 1.928 страни до владата како одговор на одлуката од Агенцијата.