Тројца студенти од познатото училиште за дизајн ENSCI les Ateliers од Париз, во рамките на еден натпревар под покровителство на министерството за култура на Франција, за само осум часа успеаја да претворат MakerBot 3Д печатач во роботизиран тату мајстор.
Откако ги прилагодија хардверот и софтверот на 3Д печатачот со пиштол за тетовирање, студентите целото време го потрошија на местење на системот да биде во состојба да пишува на човечка кожа која е мека и се витка и има неправилни форми, што е за 3Д печатач многу тешка задача, бидејќи е изработен така да секогаш работи на материјали со иста тврдост.
Затоа некое време експериментирале со силиконски модел на рака, а пота на раката на печатачот поставиле фломастер, за да на крај да го опремат со вистински пиштол за тетовирање. Потоа пронашле доброволец кој прифатил 3Д печатачот да го боде по кожа со игла и мастило, по што можел гордо да замине дома со тетовиран круг, односно првата вистинска тетоважа која некогаш на некого му ја направил 3Д печатач.
Иако студентите се сложуваат дека за машинско тетовирање би била по погодна некоја роботска рака какви што се користат во хирургијата, со чија помош мајстор за тетовирање од Њујорк би можел да тетовира некој клиент во Барселона. Ова е посебно по тоа што 3Д печатачот автономно тетовира според однапред нанесен шаблон.
3D PRINTER X TATTOO MACHINE / EP 02 from appropriate audiences on Vimeo.
Секако ова е далеку од комерцијална примена во реалниот живот, бидејќи 3Д печатачот за тетовирање би морал да биде значително попаметен и опремен со камера и сензори за да е во состојба да има поврат од допирните информации за да може да ја прилагодува својата работа на еластичноста на кожата, како и да ја корегира изработката на тетоважата според движењето на луѓето, со оглед дека е невозможно да се очекува дека клиентот ќе биде апсолутно неподвижен.
Па токму поради сево ова што е наведено, тату мајсторите подолго време нема да мора да се плашат дека 3Д печатачите ќе им ја земат работата, бидејќи тоа би можеле да го изведат само најнапредните роботи.