Facebook им се извини на своите корисници што ги остави околу 20 минути без пристап на нивните профили. Социјалната мрежа ги остави на цедило своите 1.23 милијарди корисници во 10 часот ова утро.
- Утрово се случи проблем кој ги спречи корисниците да ги користат своите Facebook профили за време од 20 минути. Проблемот го решивме брзо и сега сме целосно вратени. Се извинуваме за непријатностите, кој овој проблем ги предизвика кај корисниците, реагираа од Facebook.
Но, неможноста да пристапат до своите фотографии и сите неопходни податоци на Facebook покрена друго прашање. Како да ги сочуваме сите важни нешта на социјалните мрежи доколку оваа ситуација се повтори и тоа на многу подолг период?
Влезете во својот профил и кликнете на стрелката во десниот агол, изберете ја опцијата „settings“, а потоа кликнете „Download a copy of your Facebook data“. Овој чекот ќе ве однесе на страна каде што ќе ја добиете опцијата „Start My Archive“.
Ќе добиете барање повторно да ја впишете вашата лозинка пред да го зачувате на компјутер зипуваниот документ со сите фајлови од вашиот профил, вклучувајќи фотографии, пораки, постови, видеа и се што сте споделувале од самиот почеток на профилот.