Интернет популацијата во Кина брои 632 милиони корисници, додека користењето на социјалните мрежи во последната година е значително намалено, откриваат податоците кои ги објави кинеската влада.
Кинеската интернет популација, во која влегуваат сите кои барем еднаш биле на интернет во последните шест месеци, зголемена е од јануари оваа година за 14 милиони корисници, вели кинескиот интернет информациски центар (CNNIC), а го пренесува агенцијата Франс Прес.
Корисниците на мобилни уреди имаат најголем удел во интернет популацијата, па така во последните шест месеци околу 527 милиони луѓе во Кина пристапиле на интернет преку мобилните телефони.
Меѓутоа, иако порасна бројот на поединци кои на интернет користат разни услуги, како играње игри или купување, користењето на социјалните мрежи е во пад, наведуваат во извештајот од центарот.
Во периодот од јануари-јуни оваа година, 257 милиони луѓе во Кина ги користеле социјалните мрежи, што е пад за 278 милиони од претходните шест месеци.