На американката Шерон Стендифајрд, и здодеало тоа што нејзините деца постојано ја игнорираат кога им ѕвони на мобилен телефон. Па затоа таа лансираше апликација која ги тера тинејџерите да им се јават на родителите.
Апликацијата "Ignore No More" (нема веќе игнорирање), е достапна за Android, и го блокира телефонот на детето кое може да ги повикува броевите од листата по избор на родителите.
“Ни беше потребна апликација која го блокира телефонот на детето на начин да не можат да го користат во целост“, изјави Стендифајрд за телевизијата CBS.
Еднаш инсталирана апликацијата "Ignore No More" го блокира телефонот кога детето не одговара на повикот на родителот. Тоа тогаш може да ги сврти броевите од листата која родителите му ја одбрале и итните служби за помош.
Штом ќе се јави на родителите, телефонот се одблокирува. Но објаснува мајката “Јас имам шифра за отклучување на телефонот. Со неа можам на синот да му забранам да испраќа СМС пораки, да игра игри или да врти на други броеви. Но секогаш ќе може да повика некоја итна служба“, вели таа.