Апетитот на корисниците на паметните телефони за новите апликации полека се намалува а просечниот број на симнати апликации по корисник е во константен пад, пренесува Telegraph.
Скоро еден од тројца корисници (31%) на паметите телефони во Велика Британија во текот на месецот не симнува ниту една апликација, судејќи според извештајот на компанијата Deloitte, станува збор за голем пад во споредба со еден од пет корисници минатата година.
Просечниот број на апликации кои некој ги симнува во текот на месецот падна од 2.32 на 1.82, но ова сепак не значи дека пазарот се намалува.
Од Deloitte тврдат дека овој пад во бројот на преземени апликации е забележат поради тоа што дошло до раст на бројот на корисници кои имаат повеќе од 50 години.
“Новите корисници во поодминатите години своите паметни телефони ги користат за испраќање на текстуални пораки. Доколку погледнете кој ги користи IM сервисите како што се WhatsApp и WeChat, ќе видите дека станува збор за млади корисници“, изјави Пол Ли од компанијата Deloitte.
Другите причини за овој пад се однесуваат на тоа што долго годишните корисници веќе имаат свои омилени апликации.
“Многу е лесно да се направи апликација, но е многу тешко да убедите некој да ја преземе, затоа моментално имаме голем пазар кој се однесува на препорачаните апликации, бидејќи луѓето најчесто своите избори ги темелат на тоа кои апликации ги користат нивните пријатели“, додава за крај Ли.