Tехнолошкиот гигант Google наскоро планира да воведе интернет сметки за деца за своите услуги да може да им ги понуди на помлади од тринаесет години, пренесуваат медиумите.
Според она што го вели The Wall Street Journal, новиот систем би им овозможил на децата пристап до сите сервиси на Google, преку нивните сметки кои би ги поставувале и контролирале нивните родители.
Една од идеите е воведување на верзија YouTube за деца, пишува весникот, повикувајќи се на добро информиран извор.
Од Google за сега не се достапни за коментар.
Строгите закони во Америка за Online заштитата на децата ги спречуваат компаниите како Facebook и Google да ги нудат своите услуги на деца помлади од тринаесет години..
Законот бара дозвола од родителите за секое собирање на лични податоци за детето, и строго го ограничува начинот на користење и складирање на така собраните информации.
Меѓутоа, голем број на деца законот многу едноставно го заобиколуваат со отворање на сметки на кои наведуваат лажни податоци.