Компјутерските научници и експерти за сигурност од Универзитетот Stanford и нивните колеги од израелската воена истражувачка група Rafael, успеаја да претворат жироскоп на паметен телефон во микрофон со кој ќе можат да прислушуваат разговори.
Иако е веројатно дека никогаш не би помислиле дека сензорите кои му овозможуваат на телефонот да препознава и да се ориентира и користи за видео игри може да се претвори во микрофон, научниците откриле дека жироскопите можат да ги соберат фреквенциите на звучните сигнали околу себе, а тие вибрации потоа се декодираат со посебен софтвер, што на крајот овозможува прислушување на разговори со функционалност од 65%.
Треба да се нагласи дека израелските и американските експерти ова го изведоа без никаква дозвола од трета страна, односно од корисникот кој сакаат да го прислушуваат, што е основна разлика во односот на хакирање на самите микрофони со помош на малициозен софтвер.
Софтверот препознава движења на 200 Hz, што значи дека сензорите можат да детектираат вибрации во распонот на човековиот глас.
Иако квалитетот на звукот добиен со декодирање на вибрациите не овозможува добивање на чист звук на говор како кога се снима со вистински микрофон, експертите за прислушување нема да имаат никакви потешкотии да препознаат се што се говори со помош на своите алгоритми за препознавање на говор.
Оваа техника за искористување на жироскопот како микрофон за прислушување на разговори, експертите ќе ја презентираат на Usenix конференцијата за сигурност која наскоро ќе се одржи во Сан Диего.