Полнење телефон со викање

Научниците од Универзитетот QMUL (Queen Mary University of London) во соработка со Nokia, произведоа прототип на наногенератор за создавање на енергија од звукот кој еден ден ќе служи за полнење на мобилниот телефон од секојдневната позадинска бучава. Тука е вклучен сообраќајот, музиката па дури и сопствениот говор.



Тимот ги користи својствата на цинковиот оксид, материјал кој при стискање или развлекување поради вибрација може да генерира напон со конвертирање на енергија на движење во електрична енергија. Тој материјал може да се аплицира на разни површини и локации во облик на наножици, што овозможува голема разновидност во собирањето на звуци од различни извори за да се овозможи полнењето на мобилниот телефон.

Наноножиците на британските научници се во состојба да одговорат на вибрациите кои ги создаваат секојдневните звуци, а електричниот контакт кој се наоѓа на двете страни потоа се користи за собирање на струјата со која се полни уредот.



Научниците при развојот на овој уред водеа сметка и за економската исплатливост на неговото производство, па помеѓу останатото развија процес кој им овозможи прскање на пластични листови со слој на цинков оксид, а наместо злато кое обично се користи за електрични контакти, користеле евтина алуминиумска фолија која се покажа доволно функционална.

На крајот настанал прототип уред кој не е поголем од Nokia Lumia 925, кој е во состојба да генерира 5 волти, што е доволно за полнење на телефонот.