Според некои преценки, изработката на играта Destiny која ја произведе Bungie, а ја издаде Activision, чинела околу 500 милиони долари, што ја става во редот на најскапи гејмерски проекти во историјата.
Activision го изнесе податокот за продажбата на Destiny во текот на првите 24 часа од лансирањето, кој на многу јасен начин открива дека сите тие милиони не се фрлени во ветер, бидејќи продажбата веќе ги покрила трошоците за изработката, па издавачот на самиот старт заработил повеќе од 500 милиони долари.
Треба да се нагласи дека ова не мора да значи дека гејмерите веќе купиле толкав број на примероци од играта туку значи дека Activision успеал да ги смести своите количини по продавниците.
Но без разлика на се, овие резултати јасно покажуваат дека Destiny е голем хит кој би можел да заработи милијарди долари.