Технологијата постојано го менува начинот на кој што живееме и на кој што функционира светот. Промените настануваат на секое поле, па дури и во опциите на погребување.
Ако досега имавме можност да избираме помеѓу класичен погреб и кремирање, сега во игра е и алкалната хидролиза, односно процес во кој починатото тело се трансформира во течност.
За време на процесот човечкиот труп се поставува во нерѓосувачки метален цилиндер сличен на експрес лонец кој се потопува во раствор од вода и калиум хидроксид и потоа се подложува на притисок и висока температура во рок од два ипол до три часа.
На крајот од процесот се добива кафен сируп од кој лесно може да се ослободите. Оние кои сакаат да им остане нешто од саканиот може да го задржат малото количество пепел која останува по хидролизата.
На овој начин се заштедува на гробно место, а воедно се добива еколошки начин за отстранување на телата.