Не е прв пат да се пишува за бесплатната лиценца за Windows 10, но овој пат корисниците се тие кои бараат од Microsoft следниот оперативен систем да биде беспатен.
Windows Feature Suggestion Box е место каде корисниците слободно можат да поставуваат разни прашања и да гласаат за разни опции кои би можеле да бидат воведени во Windows 10, открива дека бесплатна лиценца за овој оперативен систем е на врвот на барањата на оние кои сакаат да го „посвојат“ овој оперативен систем кога ќе биде објавен.
И додека фактот Windows 10 да биде „бесплатен за сите“ како што сакаат корисниците е практично невозможна мисија, луѓето кои се запознаени со плановите на компанијата, сугерираат дека Microsoft би можел да размисли за бесплатна лиценца за оние кои имаат Windows 8.1, а сакаат нов оперативен систем.
Во основа на овој начин компанијата би убила две муви со еден удар. Прво ќе ги премести корисниците од Windows 8 и 8.1 на Windows 10, а покрај тоа ќе го зголеми раното усвојување на новото издание.
Некои информации говорат дека оние кои имаат Windows 7 би можеле да добијат значителен попуст, но за сето ова од компанијата се уште официјално не се изјаснија.