Волтер Исаксон е еден од најугледните биографи на светот. Тој ги напишал биографиите на многу великани како што се Стив Џобс, Бенџамин Франклин и Алберт Ајнштајн.
Овој поранешен главен уредник на магазинот Time, неуморно работи. Неговата работа се простира на скоро четири децении, а опфаќа политика, образование и технологија. Неговата најнова книга "The Innovators: How a Group of Hackers, Geniuses, and Geeks Created the Digital Revolution" (Иноватори: Како група на хакери, генијалци и гикови креираа дигитална револуција), е врвот на неговата долга новинарска кариера.
Исаксон даде мал увид во таа книга преку LinkedIn порака под насловот: “Едно нешто кое компјутерите никогаш нема да можат да го направат“.
Во тој пост Исаксон, тврди дека способноста да мислат поинаку и да поседуваат фантазија, е она што ги прави луѓето и понатаму важни во времето на когнитивното компјутерство.
А токму тоа ќе ви помогне да ја поврзете уметноста со науката, бидејќи токму од таа насока ќе пристигне следната дигитална револуција, пишува тој.
Еве што тој вели: “Следната фаза на дигиталната револуција ќе донесе вистинска фузија на технологија со креативни индустрии, како што се медиуми, музика, забава, образование, книжевност и уметност... Оваа иновација пристигнува од луѓето кои се во состојба да ја поврзат убавината со инженерството, човештвото со технологијата и поезијата со процесорите“.
Тој забележува дека концептот за поврзување на уметноста и науката не е ништо ново, наведувајќи го случајот со Леонардо да Винчи и Анштајн. Но она што го чини овој спој толку возбудлив е фактот што никој не може да предвиди што е пред нас.