Интернетот е полн со места и сервиси со ваши податоци и податоци за други. Понекогаш бесплатно, понекогаш со одреден надоместок може да се дознаат одредени информации. Корисно е да знаете кој ве бара и кој пребарува ваши податоци.
Ви претставуваме неколку начини преку кои ќе можете да дознаете кој се распрашува за вас онлајн, било да е некој работодавец, поранешна љубов или далечен роднина.
Користете Google Alerts
Првиот чекот кој го препорачуваме e www.google.com/alerts. Внесете го вашето име во местото за предупредување и кликнете Create Alert. Со помош на Show Options проширете го прегледот и одберете колку често да ви се праќаат известувања и на која адреса.
Побарајте ги социјалните спомнувања
Сличен систем, фокусиран на социјалните мрежи е www.mention.com. Освен на интернет, можете да го користите и на уредите на кои имате Android, iOs, Windows 8 и Chromе. Две седмици може да го испробате бесплатно. Кога ќе се логирате, креирајте предупредување според три критериуми и одберете го јазикот. Next Step ве носи кон изворите кои сакате да ги користите, како што се блогови, форуми, Facebook, Twitter и филтрирајте ги оние кои не сакате да ги следите.
Откако ќе завршите кликнете на Create My Alert, па Save. Вашиот кориснички профил можете да го поврзете со некој профил на социјалните мрежи како информациите би ги добивале побрзо.
Ве бараат ли работодавци?
Профилот на LinkedIn може да биде многу корисен при пронаоѓање на нова работа. Кога ќе се логирате, можете да ги видите прегледите на вашиот профил. Ако сте премиум корисник и вие можете да ги видете податоците и на оние кои ви го гледале профилот.
Ве бараат роднини?
Постојат повеќе интернет сервиси кои можете да ги употребите при пронаоѓање на роднини со кои сте изгубиле контакт. На пример, www.ancestry.com има огромна база на податоци на живи и умрени луѓе. Овде има и семејни стебла, каде што можете да проверите да не ве додал некој во своето.