Според она што го пишува во најновото истражување на компанијата Pew Research, американците сметаат дека немаат повеќе никаква контрола над своите лични податоци.
Всушност, изненадувачки 91% од испитаниците велат дека немаат контрола над процесот на примање и користење на нивните лични податоци од страна на компаниите. Ова е многу важно бидејќи 88% од нив сметаат дека е многу тешко да се отстранат неточните податоци за нив кои се поставени на интернет.
Исто така, 80% од оние кои користат Instagram, Twitter или Facebook се загрижени затоа што сметаат дека огласувачите и компаниите можат да пристапат до нивните лични податоци кои се поставени на тие сајтови.
Седумдесет проценти од корисниците на социјалните мрежи сметаат дека владата ги испитува информациите кои тие ги делат.
Судејќи според се, американците најдобро се чувствуваат кога користат телефони со жица, бидејќи 16% од нив сметаат дека тогаш се многу безбедни, спрема 9% кои така се чувствуваат додека користат мобилен телефон.
Само 5% од нив се чувствуваат сигурно ако делат информации преку електронска пошта.
Што се однесува до видовите на информации кои се сметаат за најчувствителни, на врвот е социјалното осигурување, потоа здравјето, религиозните погледи како и политичките склоности.