Нашите мобилни телефони постојано добиваат се помоќни сензори за дигиталните камери со се повеќе пиксели, се поголем квалитет на леќата, подобра оптичка стабилизација, но едно нешто недостасува. Инстант изработка на фотографии во стил на полароид фотоапарат.
Француската старт ап компанија, смета дека многу повеќе би ги развеселиле нашите пријатели и нашето семејство кога веднаш по фотографирањето би можеле да им дадеме фотографија, не дигитална туку онаа фотографија од порано на хартија.
Компанијата токму поради тоа, произведе куќиште за паметни телефони, кое претставува своевиден принтер на фотографии, а функционира на тој начин што едноставно го вметнувате телефонот во него, притискате копче и по 30 секунди излегува готова фотографија.
Во куќиштето можат да се складираат помеѓу 10 и 30 листови, а дополнителна можност му е поврзување на фотографии со видео. Всушност, ако принтате фотографија од видеото кое што сте го снимиле, подоцна ќе можете да го поставите пред објективот на камерата на телефонот, а апликацијата ќе го препознае видеото и ќе го репродуцира практично од фотографија.
Компанијата се уште не знае кога овој гаџет би можел да се најде на пазарот, но идната година ќе започнат кампања на Kickstarter, па веруваат дека набрзо потоа ќе можат да го продаваат по цена од 99 долари.