Електронските цигари наводно се поздрави од обичните за нашето здравје, но сепак се опасни за вашиот компјутер. Имено е-цигарите се виновници за ширење на опасен компјутерски вирус.
Батеријата на повеќето електронски цигари се полнат преку USB кој директно е поврзана со вашиот компјутер. Кога е-цигарата е поврзана со компјутерот таа добива физички пристап до уредот, а на популарната мрежа Reddit се појави приказна за корисник чиј компјутер се заразил со опасниот вирус токму на тој начин.
- Не можевме да го утврдиме изворот на заразата. Откако ги проверивме вообичаените начини на инфекција, ИТ експертите започнаа да ги испитуваат и останатите можности. Е-цигарите прозведени во Кина имале штетен софтвер во самиот полнач. Секој пат кога би ја полнеле цигарата таа би се поврзала со далечен сервер и би го преземала вирусот, стои во објавата која ја објави Trend Micro за The Guardian.
Покрај тоа што електронските цигари треба да се купуваат од проверени произведувачи, експертите на корисниците им препорачуваат да оневозможат пинови за пренос на податоци на USB, со цел да ја спречат размената на податоци си уредите со кои се поврзуваат. Во тој случај кабелот би служел само за полнење на батеријата.