Ние обичниот народ постојано се прашуваме како може селебрити фаците да не стареат и да изгледаат скоро исто како што изгледале кога прв пат сме ги виделе на телевизија или во некое списание.
Најчесто тоа е така со холивудските актерки, за кои знаеме дека во текот на животот минуваат низ голем број процедури на разубавување од типот на пластични операции и напредна техника на шминкање. Сето ова прави нивните лица да изгледаат помладо, телата послаби, а недостатоците невидливи, а сетоа тоа нас ни изгледа како магичен трик.
Сепак, благодарејќи на новинар од порталот „Mashable“, кој разговарал со еден од пионерите на оваа технологија ја откри долгочуваната тајна во Холивуд.
- Не се работи за шминка, туку за посебна дигитална обработка на шминката во постпродукцијата. Техниката се вика „Бјути ворк“ и го прави тоа што Фотошоп го прави со фотографиите. Со оваа техника ликовите можат да се променат, дури и до граница на непрепознавање. Тоа со други зборови значи дека „технички“ со часови се поправа изгледот на филмот, се корегираат сликите во движење, се разубавуваатна кожата, косата и забите на актерите и се отстрануваа брчките и разните други „вишоци“, објавува новинарот и притоа додава:
- Сите се разубавени. Понекогаш затоа што така сакаат тие самите, а понекогаш затоа што тоа го бара улогата. Тоа се користи, кога на пример повозрасна актерка игра улога на тинејџерка или во филмот во кој Бред Пит го играше Бенџамин Бaтон, каде беше и момче и старец, објасни Клаус Ханси. кој ја обелодени оваа посебна техника.