Повеќе од една шестина од популацијата нема пристап до чиста вода. Тоа значи дека околу една милијарда луѓе патат од овој проблем во истиов овој момент, кој според статистиката убива 3,4 милиони луѓе годишно.
Со цел да се пронајде решение за овој масовен проблем, научниците ја создадоа направата LifeStraw, моќен и едноставен филтрирачки систем. Има цилиндрична форма која е долга 25 сантиметри и има дијаметар од 29 милиметри. Начинот на кој функционира е едноставен – едниот крај на тубата се става во вода, додека од другата страна водата се вшмукува од корисникот, помината низ моќен филтер кој ја прочистува од нечистотијата и од разни бактерии, како Салмонела, Шигела, Ентерококус и Стафилокока.
Резултатите од испитувањата се одлични и докажуваат дека LifeStraw ќе може успешно да се справи со глобалниот проблем со водата, конечно овозможувајќи им го на многу луѓе основниот услов за живот - вода за пиење.
