Доколку некои корисници при допишувањето со пријателите размениле линкови од други страници, Facebook ги следел тие линкови со цел да дознае информации за корисникот и покасно ги искористил за маркетиншки цели.
Друштвената мража Facebook се наоѓа пред потенцијални проблеми, бидејќи и се заканува сериозна тужба за повреда на приватноста на корисниците. Доколку го изгуби спорот, компанијата ќе мора да плати по 10.000 долари за секое кршење на приватноста на корисниците, за една година наназад, а се шпекулира дека сите кои имаат профил (а вие најверојатно сте меѓу нив) ќе се опарат.
Според тужбата која е поднесена уште во декември 2013-та година, Facebook ја скенирал содржината на приватните пораки на корисниците за огласувачите. Со тоа го прекршил актот за приватност во електронските комуникации и законите за приватност и нелојална конкуренција на сојузната држава Калифорнија.
Интернет гигантот се труди да ги отфрли овие обвинувања, тврдејќи дека упадите биле законски и дека не излегувале од стандардната рамка на работење на Facebook. Судијата на окружниот закон во Калифорнија, во среда донесе одлука дека тужбата против Facebook може да оди на суд.