Екипата од Apple наскоро ќе се пресели во новите простории кои веќе подолг период се градат. Имено станува збор за новиот кампус, кој новинарите го нарекуваат „Вселенскиот брод на Apple“.
Новото седиште на оваа компанија е дизајнерско ремек дело, а се прави по идеите на Стив Џобс, а изгледа како голем прстен со стаклени ѕидови и голема зелена површина во средината. Оваа зграда се наоѓа во близина на моменталното седиште на компанијата, а од Apple се фалат поради нејзиното позитивно влијание на околината бидејќи ќе се напојува од обновливи извори на енергија и ќе ја има една од најголемите соларни електрани на светот.
На страницата на Купертино се објавени фотографии на кои може да се забележи напредокот во градењето на овој кампус, но веројатно најдобар поглед на моменталната ситуација со кампусот ни даде YouTube корисникот, Miytzh кој со 4K камера монтирана на беспилотно летало го сними градилиштето. Пред работниците е уште многу работа бидејќи првиот дел од работите треба да биде готов до крајот на идната година кога вработените во Apple треба се вселат во кампусот. Втората фаза т.е. средување на околината на зградата ќе биде откако ќе започне вселувањето. Погледнете: