ВИДЕО: Windows 10 бесплатен за корисниците

На својата конференција под називот Windows 10: The Next Chapter, Тери Муерсон изјави дека ќе лансира нови билдови за Windows 10 во верзиите за PC десктоп компјутерите и за мобилните уреди.



Што се однесува за новите Windows 10 Technical Preview десктоп верзија, тој изјави дека таа ќе биде многу стабилна, но тоа не може да се каже за верзијата наменета за телефоните и таблетите, на која уште многу работи треба да бидат довршени, што значи дека развојот на мобилниот оперативен систем заостанува.

Новиот Windows 10 preview за десктоп компјутерите ќе ја донесе Cortana на PC, како и Continuum, функција која ќе им овозможи на корисниците префрлање од Modern UI без прекинување на работата. Continuum веќе беше демонстриран во септември минатата година, но новиот билд за прв пат јавно ќе ја претстави таа функција која корисниците сами ќе можат да ја испробаат.

Она што е особено интересно е изјавата дека Windows 10 ќе биде целосно бесплатен за сите корисници на Windows 8.1 и Windows 7 OS во првата година по лансирањето.



Ако имате време и желба, можете да го погледнете видеото од конференцијата кое трае подолго од два часа.