Уште една измама започна да се шири на интернет, па поради тоа на сите корисници на електронска пошта им препорачуваме да не ги отвораат сомнителните мејлови и линкови.
На интернет започна да кружи мејл кој ги повикува луѓето да кликнат на пратениот линк со цел да си ја зголемат меморијата бидејќи наводно не можат повеќе да добиваат мејлови. Никако не го отворајте, бидејќи станува збор за опасен вирус.
Немојте да се зачудите доколку во следните часа добиете мејл од непознато лице, бидејќи ова е една добра измама која зарази илјадници компјутери.
Доколку примите ваков мејл веднаш избришете го од вашето сандаче и рестартирајте го вашиот компјутер.
Иако ваквите работи не би требало посебно да се нагласуваат, вреди да повториме: Не ги отворајте сомнителните мејлови ниту пак било какви линкови во тие пораки кои сте ги добиле од непознато лице или компанија.