Технологијата веќе замени цел куп од нашите секојдневни предмети, на пример нашите телефони ни кажуваат колку е часот, не потсетуваат на обврските, пресметуваат, советуваат и ја исполнуваат скоро секоја итна потреба која може да ја имаме.
Прашањето е што следно технологијата ќе го направи да изгледа застарено?
Извршниот директор на Microsoft, Сатија Надела смета дека тоа ќе бидат пенкалата кои се полнат со патрони.
Во текот на емисијата Q&A на ABC, Надела го прашаа која технологија која ја користиме денес ќе биде застарена за десет години. Неговиот одговор беше, пенкалата кои се полнат.
Тој веројатно се шегува, но факт е дека неговата прва реакција на прашањето што може да стане застарено и понатаму е интересна.
Кога водителката му го покажа своето пенкало во раката и го праша : Нема повеќе вакви?, неговиот одговор беше: „Така е!“.
Business Insider смета дека тоа не е во целост луда идеја, покрај многуте апликации за белешки кои постојат од типот на Evernote, како и оние за снимање на глас, а се помалку има потреба од пенкала, а не од пенкала што се полнат со патрони.
Пристигнува ли времето на стилосите? Новиот прелистувач на Windows 10 кој е наречен Spartan, а кој компанијата го претстави неодамна ќе овозможи оставање на белешки со помош на стилоси.
Освен тоа, наводно и Apple работи на стилоси. Познато е колку Стив Џобс имаше против овој мал уред сличен на хемиското пенкало кое помага во навигација или пак нуди поголема прецизност на екраните чувствителни на допир.