Според пишувањето на кинеските медиуми кои наведуваат дека имаат инсајдерски информации, од добавувачите на Apple, новиот iPhone 6S ќе добие така наречена 3Д Touch технологија, која претставува некои варијанти на Force Touch функцијата видена на паметниот часовник на компанијата.
Благодарение на таа функција, паметниот часовник користи ситни електроди поставени околу Retina екранот за да ја разликува јачината на притисокот, што му ја зголемува можноста за управување и внесување на команди на допир.
Иако таа функција е прилично корисна за малиот екран на паметниот часовник, не е во целост јасно колку би била важна за големиот екран на телефонот, но се очекува дека со едно лесно притискање би се активирал еден интерфејс со специфични апликации, додека со посилно типкање ќе се отвори мени за нешто друго.
Секако тоа би ја проширило можноста за развој на софтвер кај дивелоперите, па веруваме дека би можело да претставува интересна новост, секако ако ова гласина се потврди како вистинита.
Со оглед на тоа дека Force Touch веќе се наоѓа во паметниот часовник, многу е логично дека новата функција ќе се појави на сите уреди на Apple.