ВИДЕО: SmartEyeGlass очилата на Sony

Веќе подолго време Sony тестира прототип на своите SmartEyeGlass очила, кои би требало да претставуваат своевидна конкуренција на Google Glass, а сега официјално е лансиран во продажба првиот модел кој е наменет за дивелоперите под називот SmartEyeGlass SED-E1 Developer Edition, а кој е најавен пред неколку месеци.



Очилата од март оваа година ќе бидат достапни во 10 држави по цена од 670 евра.

За разлика од конкуренцијата, очилата на Sony користат технологија која ја нарекуваат "holographic waveguide technology", која асоцира на сличност со технологијата на Microsoft HoloLens, но ако го погледнете видеото, јасно е дека всушност наликуваат на очилата на Google.



На провидните стакла на очилата се проектира едноставен монохроматски текст и дијаграми со 15 fps, а тука е и 3MP камера која може да снима фотографии и видео, за сите овие функции и можности дивелоперите можат да ги користат при развој на своите апликации.



Батеријата овозможува 80 минути работа со активен екран и вклучена камера, како и 150 минути без неа, а Sony вели дека со помош на апликации ќе им овозможи на корисниците пристап до Facebook и Twitter.

Сепак мора да се признае дека очилата на оваа компанија не изгледаат многу убаво, па се надеваме дека во следната верзија освен инженери ќе вклучат и понекои дизајнери.