Ако сте еден од фановите на легендарните Commodore компјутери, сега можете да нарачате целосно нови куќишта со живописни бои.
На Kickstarter се појави проект за чија реализација се бараат само 10.000 долари, а се однесува на оригиналните куќишта на Commodore 64C компјутерите.
Работата е во тоа, што човекот со име Далас Мур, успеа да дојде до оригиналните калапи за изработка на куќиштата за Commodore, па дојде до идеја дека би можел сам да ги произведува и продава на фановите за цена од 35 долари, а кои во нив би можеле да уфрлат оригинален хардвер кој сеуште работи или да речеме да направат свој сопствен PC за кој би ја користеле оригиналната форма на легендарните компјутери.
Покрај тоа, Мур има намера да ги продава овие куќишта во неколку бои, кои ја вклучуваат и оригиналната сивкасто бела, но и „кралски сината“ како и „сјајно црвена“, но треба да признаеме дека тоа можеби нема на сите да им се допадне, бидејќи изгледа некако кичесто.
Веруваме дека вистинските носталгичари ќе земат нешто што во целост ќе ги потсетува на оригиналот, иако секогаш постои можноста дека се лажеме.