Извршниот директор на Facebook, Зукерберг неодамна на последната дивелоперската конференција на компанијата која е наречена F8 ја започна со зборовите дека таа помалку ќе се занимава со најава на нови производи, а повеќе ќе и помогне на програмерската заедница.
Сепак, Зукерберг по најавата, продолжи детално да ги набројува новите производи, промени, функции и подобрувања кои можеме да ги очекуваме.
Еве дел од тоа што беше најавено на F8 конференцијата:
Дополнувања на апликацијата Messenger
Како што беше и очекувано, Facebook ја отвори својата чат апликација Messenger за интеграција со така наречена трета страна.
Од сега било која апликација ќе може да содржи врска на Facebook Messenger што ќе им овозможи на корисниците да на оваа платформа за комуникација користат гиф анимации, видео како и елементи од други апликации.
Messenger Business
Интеграцијата на Messenger со бизнисот со online трговијата. На овој начин online трговците ќе добијат директен канал за комуникација со корисниците во реално време.
Подобрени плагини за видео и коментари
Facebook видеото непрекинато расте, моментално се прегледуваат околу три милијарди видеа секој ден. Еден од плагините ќе им овозможи на корисниците на своите страници да вградат видео со една единствена линија на код.
За оние корисници кои на своите страници имаат Facebook коментари, подобрените плагини ќе им овозможат објава на коментарите на Facebook и на своите веб страни, што значи дека тие коментари би требало да бидат унифицирани.
Сферични видеа
Зукерберг рече дека News Feed и Oculus на Facebook подржуваат сферни (кружни) видео снимки кои се снимени со повеќе камери и кои ќе понудат вистинско впечатливо искуство на гледање на видеа.
Facebook Analytics за апликации
Оваа бесплатна алатка ќе им овозможи на програмерите да разберат како луѓето ги користат нивните апликации на различни уреди и ќе им понудат детален увид во функционалноста на нивните маркетинг кампањи.